VC term pawh tawi a ni

Mizoram Sorkar chuan village council (VC) nilai mekte term chu a pawt tawia, pawhtawina notification chu nimin (20.11.2024) khan tih chhuah a ni a, LADC, MADC leh LADC hnuaia VC te erawh a huam lo. 

VC nilai mekte term hi notification thar ang chuan ni 19.2.2025 ah a tawp dawn. Ni 14.11.2024 a Chief Minister pawmpuina anga notification hi tih chhuah a ni. 

Mizoram State Election Commission chuan ni 27.8.2020 khan VC leh LC inthlan a buatsaih a, hemi ni hian Covid vangin LC 24 leh VC pariatah inthlan buatsaih theih a ni lo thung. A hnuah buatsaih leh a ni. 

VC-te term hi kum 5 a nih avangin pawhtawi ni lo se chuan August 2025 thleng an term tur a ni. Thla ruk velin an term pawhtawi sak an ni tihna ni. Chu bakah term tawp hmaa inthlan buatsaih a nih thin tlangpui avangin nakum kum tir lamah VC inthlan buatsaih a ni dawn tihna a ni.