Savawm kaptu nia hriat an man
admin 21-Nov-2024 07:57 AM
Ni 18.11.24 chawhnu lama Khamrang VC hnen atanga savawm kutbawr ni ngeia hriat uiin khawlaia a put chhuah thu report an dawn bawhzuii Kawnpui Forest Range RO leh a staff-te'n savawm kaptu ni ngeia hriat an man.
Kawnpui Forest Range RO leh a staff-te hian an report dawn hi chhuizuiin savawm kutbawr ni ngeia hriat hi Khamrang Railway Station bungraw veng a duty Vanlalrawna, Khamrang School Vengin 17.11. 2024-a savawm ( Asiatic Black Bear) a kah kutbawr ngei nia hriat a ni.
Investigation tih tul leh tih theih ang ang an tih hnuah, amah Vanlalrawna, Khamrang hi nimin (20/11/2024) khan CJM, Kolasib District Court-ah hruaiin, criminal complaint thehluh a ni. Savawm kaptua puh hi District Jail, Kolasibah dah luh nghal a ni.
Asiatic Black Bear, ( _Ursus tibetanus_ ) hi WPA, 1972 (as amended in 2022)-ah Schedule I ramsa niin, heng ramsate humhalhna dan bawhchhetu chu kum thum aia tlem lo jail tantir leh Rs 25,000 chawitira hrem theih an ni.
