Secretary zingah IAS an tam ber

Mizoram Sorkar hnuaia secretary zingah IAS an tam ber a, hetihlai hia direct recruit erawh pathum chiah awmin, hnamdang vek an ni.

Mizoram Sorkar hnuaiah hian secretary 29 an awm mek a, chung zinga 16 chu IAS an ni. IAS zingah hian hnamdang pathum chu direct recruit an ni a, a bak mi 13 te chu MCS atanga IAS-a promote an ni.

Secretary zingah hian All India Central Service dang pathum - IRS pahnih leh ICAS pakhat an awm a, Mizo vek an ni. A bak zawng chu Mizoram chhunga service hrang hrangte an ni.

Service dang secretary-te chu MCS pali, MSS pahnih, MFAS, MJS, MES leh MPS pakhat theuh an ni.