Zaninah Praise On top 10 te inlan dawn
admin 07-Nov-2024 12:19 PMCentral Kristian Thalai Pawl (CKTP) leh Synfo tangkawpin an buatsaih mal zai intihsiak, Praise On 2024 pawh a hmawr an bawk hnai ve ta telh telh a, a thiam 10 thlan chhuahte zanin (7.11.2024) an intihsiak tan dawn.
Top 10 intihsiak hi Dawrpui Kohhran Hall-ah zanin leh naktuk zanah neih a ni dawn. Zan khatnaah hian zai intihsiakna-a an tih ngai zen zen loh hla thlan sa atangin Mizo lengkhawm thluka sak chi solo hla an duh ber an sa dawn.
A zan hnihnaah erawh Pathian hla an duh ber an sa dawn a, hla thlan fuhin kawngro a suve ngeiin a rinawm.
Naktuk zan hian top 10 atanga top 5 inhlangkaite puan nghal a ni dawn. An zaithiam hlawm tawh si a, judge-te tan pawh thutlukna siam awlsam tak a ni hauh lo ang.
Top 10 te inzaisiak hi Hruaina Eng channel leh Synod Information YouTube channel-ah live in an pe chhuak leh dawn a ni. Top 5-te hi November 21 zanah an intihsiak leh dawna, Grane Finale chu November 22 zanah neih a ni ang.
Praise On Top 10 -
1. C. Lalthanmawii, Luangmual West Branch
2. Lalruatsangi, Sihphir Branch
3. Lalthlanawma, Ramnhlun Branch
4. Maria Lalmuanpuii, Chhiahtlang Bazar Veng Branch
5. P. Vanlalhriatpuia, Chaltlang South Branch
6. Ramdingliani, Bethlehem Branch
7. Sailokima, Kulikawn Branch
8. Saizampuii, Tuikual North Branch
9. Samuel Lalmuanchhana, Armed Veng Branch
10. Zaithanmawii, Kolasib Vengthar Branch
