Thazual Award-a perform turte a hriat ta...

Mizorama music award ngaihhlut tak Thazual Award vawi 10-na chu sem a ni dawn hnai a, award sem huna perform turte hriat a ni ta... Thazual Award hi November 7 zanah gospel sem a ni ang a, a tuk zanah lengzem ve leh a ni ang. 

Thazual Award perform tur zingah Youth Icon 2024 Lalsangliana (Taitea) hming a rawn lang, a fan-te'n Thazual Award an nghahhleh phah ngei ang. Tunlai Mizo zaithiam huhang ngah ber a nih loh pawhin, pahnihna ni bik kher lo tur icon star J Lalrosanga (Rsa) hming erawh a lang lo. A fan-te'n mak an ti ngeiin a rinawm. 

J Lalrosanga hi eng vanga perform dawn lo nge, programme a nei em ni tih hi mi tam tak zawhna a ni ngeiin a rinawm. 

Thazual Award-a perform tur dangte pawh star rual tih ngam an ni a, mipui mit leh beng a tlai ngeiin a rinawm. 

Perform turte chu - Ticos Dara, Siampuii Ralte, Lilac & Jacks, HOM, Hmangaihi, Mendal, Ruatpuii, The Radio leh Pablo x Mistablow te an ni. Thazual Award-ah star rual an che suau suau dawn a ni ber e...