Thazual Award (Gospel) a zai turte an tha

Zonet Cable TV-in a buatsaih thin Thazual Award 2024 (Gospel) sem zanah zaithiam tak tak an zai dawn a, zai tur zingah Youth Icon top 10 zinga gospel hla sa awm chhun runners up Peter Lalnunpuia a tel lo.

Mi tam takin Thazual Award (Gospel) sem zanah hian Peter Lalnunpuia hi a zai ve an ringin a rinawm. A fan-te ngat phei chuan zai se an ti viau maithei. Mah se, zai tur list an tar chhuah zingah a tel loa, Peter-a zai ngainatute'n Thazual Award an hlut loh phah sawt a ni pawhin an demawm loh ang, icon boruak a la lian rih e mai.

November 7 Thazual Award (Gospel) sem zana zai turte thlirin, award sem zan hi show hmuhnawm tak a ni ngeiin a rinawm. A entute mit leh beng a tlai ngei ang.

Thazual Award Gospel zana zai turte - Dinsangi, Seraphic Choir, Cindy Lalthanpuii, Jonathan Lianhna, Jerry Lalrinawma (Mizo Idol 2018), Grace Lalchhanhimi (Mizo Idol 2014), C. Lalruatsangi (Fakzai 2024 winner), One in Christ, Ramnunmawii (Praise on 2022 pahnihna) leh Melody Lalzirlianite an ni.

Thazual Award (Lengzem) sem zana perform tur zingah Youth Icon Lalsangliana a tel tih chu kan tarlan tawh kha...