An inneih niah zaipawlah tel

A naupanlai atanga zaithiam tia hriat hlawh gospel singer Jennifer Vanllalawmawmi, Dawrpui Vengthar chuan ni 1.11.2024 khan pasal a nei a, a pasal neih ni hian mo thuam nen zaipawlah a tel. 

Jennifer-i hian an veng mi Lalrintluanga chu fanau maltluan chawipui atan Dawrpui Vengthar Presbyterian Biak Inah 'tiam tlat e' a tihpui a ni. 

Kum 2002 daih tawh, naupangte a nih laia 'Beramno Lenna Ramah' tih album ti chhuaktu Jennifer-i hi Divisional Songsters, Central North Choir member nilai a ni. 

Jennifer-ite inneih reception-ah Divisional Songsters, Central North Choir hi an zai a, member a la nih miau avangin Jennifer-i pawh mo thuam nei a zai ve.