Governor thutlukna a vanduaithlak - HM

Chief Minister a awm loh avanga a aiawhtu Home Minister K Sapdanga chuan Chakma Autonomous District Council (CADC) chungchanga Governor-in CADC sorkar thiata, Governor's Rule-a dah tura thutlukna mak an tih thu a sawi.

Home Minister hian vawiin (8.7.2025) hian press conference a nei a, 'CADC MDC 20 zinga 16 in June 16, 2025 ah ZPM an zawm a, June 18 ah ZPM MDC-te hian sorkarna an siam theih thu thlenin, siam tir an ngen nghal. CM pawhin sorkarna siam tir mai turin a ngen,' a ti.

K Sapdanga chuan Governor hian Council of Minister ngaihdan a lak thu sawiin, 'July 4 khan sorkarna siam thei an awm chuan siamtir turin rawtna kan thlen,' tiin an thu thlen loh anga Governor-in thutlukna a siam chu vanduaithlak an tih thu a sawi.

Home Minister chuan Governor chuan Council of Minister duh dan kalpui kher chu a bat loh thu leh CADC thiah leh thiah loh chu a thuneihna tawp a ni tih an hriat thu a sawirualin, Governor chu a thutlukna ngaihtuah tha leh tura an duhthu a sawi.