Darchhingpuii a en theih dawn hnai

Zote Entertainment leh Shopee_Carmella-te film buatsaih 'Darchhingpuii' tih chu March 14, 2025 zan hian Vanapa Hall-ah released a ni dawn ta.

Darchhingpuii hi Myanmar atanga rawn raltlanin Mizo chhungkua an luhchilh a, an rawk dan leh pawi an khawihna thawnthu a ni. Film buatsaihtute chuan 'He film-ah hian mimal, hnam leh ram ang zawnga inbeihna leh intihmualphotumna lam a awm lo' tiin an tarlang thung. Film siamtute chuan story sensitive tak niin an sawi.

He film siamna atan hian thla li chhung hun hman niin, Rc Khiangte, Aron Hrangchal, Duhawma, Francis, LN Kawlni leh Eli Siakeng te chu changtu langsar zual niin R,Chhuangi leh Francis malsawma te chu guest artist an ni.

Film tlangzarh tur chu tudang ni lo, Mizo actress duhawm tak Ruthy Chenkual a ni. Zote Entertainment-ten an chhungkaw mileh an film an tlangzarh tir tum khatna a ni dawn.

Tunlaia Mizoram dinhmun thlirin, he film hian sawizui leh ngaihven zui a hlawh viau a nih pawhin a mak lo ang. March 14 zana tlangzarh a nih hnuah eng ang tak nge a nih a chiang ang chu...