Young Fella-te an tlawm taluo

Mizo mipa zaithiam lar mek zinga duhtu leh ngainatu ngah ber zinga mi Young Fella chuan hun eng emaw chen music video thar a neih loh hnuah zanin (19.2.2025) hian music video thar nen a rawn kir e. 

Young Fella hian zanin hian Smiley nen an music video thar a Youtube channel-ah a upload a, a fan-te a barakhaih maithei. A hla phuah hmanga rawn che hit thin Young Fella leh Smiley music video thar hi Hmar hla 'A tlawm talui' tih an cover na a ni daih mai. Mah se, a thluk a nalhin, a hla thu pawh a ngaihnawm. Ngaihthlak a inchhir awm lo e. 

An music video tharah hian Young Fella leh Smiley hian nula pakhat chu an hmangaih thu an hlan mawlh mawlh a, a hmangaih ngang a ni ang, a hlimna tur a nih chuan val dang pawm mai pawh an phal sak. Heng  vel hi a ni 'A tlawm taluo' hla thu kalhmang chu. 

Hetihlai hian Young Fella chuan 'A tlawm talou' an cover chhan tarlangin, 'Kan hmar thianten cover pangngai turin min tur nasa ve em a, inthlahrung takin kan rawn cover ve e,' a ti. 

Hla a buaipui mek tih tarlangin, 'Hla thar pawh ka buaipui chho mek a, EP anga hla rawn ti chhuah ve ka tum a, a hlawmin ka record hlawk dawn,' tiin a khat mawi tawka a drop zeuh zeuh tur thu a tarlang.