MLP siamthatna pass vangin lawm

ZPM Thalai chuan thuchhuah siamin, nimin (10.3.2025) Assembly Session-ah Excise & Narcotics Minister Lalnghinglova Hmar putluh 'The Mizoram Liquor (Prohibition) Amendment Bill, 2025' passed a ni chu lawmawm an tih thu an tarlang.

The Mizoram Liquor (Prohibition) Amendment Bill, 2025  chu kuthnathawktute tan bill tha tak leh lawmna tur nia an ngaih thu tarlangin ZPM Thalai chuan, 'Kuthnathawktute thlai leh thei thar chhuahte hlawk zawk leh man man zawka an hralh theina tur bill pawimawh tak pu luttu Excise Minister pawh kan chhuang hle,' a ti.

ZPM Thalai chuan bill chu 'zu zawrhna tur bill' tia mipui hruaikawi tumah opposition party-te puhin, 'Kuthnathawktuten leirem an rah theih nana dan pawimawh tak, dan ṭha tak hnuaia Mizoram thar chhuah fruit beer leh wine -e hralh chhuah a nih theihna tur bakah, state pawn lam zu, beer, wine leh Mizoram chhunga zu ṭhalo tak tak te khuahkhirhna tur a ni,' tiin dan siamṭhat tak hi Mizoram khua leh tuite tan a pawimawh hle niin an tarlang.