CM leh Union HM an inkawm

Nimin (7.7.2025) tlai khan New Delhi-a cham mek Chief Minister alduhoma chuan Union Home Minister Amit Shah chu a pisaah a kawm.

Sorkar thuchhuah tarlan danin, an inkawmnaah hian Handholding Scheme, Thenzawl Peace City leh project lian danga Mizoramin sum a mamawhte an sawi dun. Home Minister chuan Parliament Session lo awm leh turah an ngaihtuah tur thu lo hrilhin; Union Finance Minister, Union Home Minister leh Chief Minister-te nena sawi tlâng a, tihhlawhtlin dan kawng dap ni se, an ti.

Union Home Minister hian The Mizoram (Maintenance of Household Registers) Bill 2019, President of India hnena la tang mek chu President pawmpuina hmuh a nih vat theihna tura a lo bawhzui tur thu te, AAI hnena Lengpui Airport hlan chungchang pawh Union Cabinet-in an lo ngaihtuah tur thute thute Chief Minister hi a hrilh. 

Mizoramah helicopter lian zawk leh mi phur tam thei zawk dah tura Chief Minister ngenna chu a lo bawhzui tur thu leh Lengpui Airport-a CISF duty-te tihchangtlunna tur Police Modernisation Scheme hnuaia fund dilnate pawh enzui a lo tiam a ni.

File Photo