Mizo Talent show buatsaih dawn

LPS Vision Production chuan Mizo zinga theihna neite inpho chhuah nan, talent nei tha zawnna 'Mizo Talent' a buatsaih dawn a, he TV Reality Show-a tel duhte tan June 3,2025 atangin LPS Office, Zarkawt-ah form a lak chhuah theih tan dawn.

Mizo Talent-ah hian intihsiakna tur Category paruk - Zai, Lam, Instrumental Music, Magic Show leh Acrobatics te a awm dawn a. Heng category hrang hrangah te hian mimal leh pawl (group) ang pawhin a in lan theih dawn a, comedian-ah hian stand-up comedian tan tel theih a ni ang.

Mizo Talent-a tel duhte tan June 3,2025 (Thawlehni) atangin LPS Office, Zarkawt-ah Form a lak theih dawn a, hriat chian tur nei tan pawh LPS Office ah hian a zawh chian theih dawn a ni.

Ngaihhlut hlawh tak tura rin Mizo Talent-a pakhatna in Rs. 2,00,000 a dawng dawn a, top 10-a tlingte tan lawmman tha tak tak awm dawn bawk a ni.