Mizo Talent tan a ni dawn ta

LPS Vision Production buatsaih 'Mahindra XUV 3-XO Mizo Talent' first round intihsiakna chu zanin dar 8 atangin LPS Arena, Falkland-ah tan a ni dawn ta.

'Mahindra XUV 3-XO Mizo Talent'  atana inbuatsaihna chuan a vawr tawp a thleng mek a, stage pawh peih fel a ni tawh a. Intihsiakna hi zanin dar 8-ah tan a ni dawn a, LPS 1-ah Live in pek chhuah ani dawn a. LPS youtube channel-ah, member ni tan, a en theih dawn bawk.

'Mahindra XUV 3-XO Mizo Talent'-ah hian zai leh lam bakah, instrumental music, magic show leh acrobatic hmangin an theihna an lantir dawn a. Pakhatna in, cheng nuai hnih adawng anga, top 3-a lang midang pahnihin cheng singnga ve ve an dawng dawn a, midang a thiam 10 zinga lang mi 7 te hnenah cheng singkhat theuh pek anni thung ang.

Judge pali - Mapuia (FTH), Victor-a, Rosie leh Nutei Pautu ten an endik dawn a, show hmuhnawm leh ngaihven hlawh tak anih an beisei a, Hruaitei'n a host dawn a ni.