Mi panga man tawh

Ni 19.8.2025 a Runliani @Luti (80), Maubawk tualthihna chungchangah police-te chuan mi panga an man tawh a, midang pakhat thuzawhfiah atan an ko.

Bengvarna thudawn danin, Runliani thihna chungchangah hian mi pangate hi thuzawhfiah mek an ni a, court remtihna angin an man atanga darkar 72 chhung an kawl phawt ang. A tul angin hma an lak chhunzawm zel ang. 

Thuzawhfiah atan mi pakhat koh a ni a, nizan khan hrengin, vawiinah an chhuah. Naktukah in report leh tura tih a ni. Police-in an man leh kohte hi rinhlelh thila man leh koh niin, thuchiang fak a la awm loh avangin an hming tarlan a la rem loah an ngai.

Tarlah tawh angin Runliani hi a fanu leh a tupa nena cheng an ni a, an in chhungah eichawp dawr an siam. A chenpuite hi an chhuak vek a, an dawra thil lei turin chhun dar 12:30 velah thiin a hmu. A hrawkah chema zaina hnuhma a awm.