Methamphetamine leh heroin thahnem tak an man

Excise & Narcotics Department, Narcotics Control Bureau (NCB) leh 191 Bn. BSF te thawkho chuan nimin (August 21, 2025) chawhnu khan National Highway – NH06A, Keifang leh Seling inkarah ruihhlo phur nia rinhlelh lirthei lokal an chan chhuah atangin zan dar 7:00 khan Methamphetamine kgs. 49 & gram 101 leh heroin gram 36 (Hawng 3) leh a neitu nia puh mi pariat an man.

An mi mante ,:

1) Zoramsiama (25) s/o David Lala, Beraw lei; 

2) Lalruatkima (42) s/o Lalhriata, Bualpui;

3) Nanglamthanga (20) s/o Ngokhankapa, Champhai Bethel; 

4) David Lalhmachhuana (28) s/o T. Joshua, Bawngkawn, Aizawl; 

5) T. Chatuanvanlalnghaka (29) s/o Lalmalsawma (L), Bawngkawn, Aizawl;

6) Lalramthara (27) s/o Lalmuanchhunga, Champhai Ruantlang;

7) Hmangaihzaua (38) s/o Zirliana, Champhai Bethel leh

8) Lalrammuana (29) s/o Rohmingliana (L), Champhai Bethel-a khawsa nia inchhalte an ni.

An hnen atang hian heng ruihhlo phurhna atana hman lirthei 4 – TATA truck (Regn No MZ01F-1037, Renault Duster (Regn. No. MZ07-7237, Ashok Leyland Truck (Regn. No. MZ06-8810) leh Mahindra Bolero (Regn. No. MZ01Z-8246) an hren sak. Heng ruihhlote hi Mizoram pawna tihral tura ruahman mek lai a ni.