HS zirtirtu direct recruitment lak tum sut ngen

Mizoram CSS Employees Coordination Committee (AMCECC) thuchhuah siamin, an representation ni 19.5.2025 a kan thehluh - CSS hnuaia thawkte aan ngheh theihna tura sorkar hnena kan thlen tawh ‘Government of Mizoram Regularization of CSS Employees Scheme, 2024’ an hman theihna tura harsatna kan tawh hrang hrang heng –

i) Copy of advertisement

ii) Copy of Constitution of approved DPC

iii) Copy of DPC Meeting Minutes

iv) Corresponding substantive post

Vawiin ni thlenga chinfel sak an la ni lo tih tarlangin,  'Hmalakna pawh la awm lo nia kan hria hi pawi kan ti hle a, a rang thei ang bera min chinfel sak turin sorkar kan phut tlat a ni,' an ti.

AMCECC tarlan danin, Office Order No. A32023/1/2024-PD/HFW dated Aizawl, the 21st Aug, 2025 hmang hian provisional employee mi 31 ngawt mai chu CSS Regularization Scheme 2024 hmanga dah ngheh an ni. CSS Regularization Scheme 2024 hi CSS employee tana duan ni siin, vawiin thlenga a scheme neitu CSS hnuaia thawkte dah ngheh an la nih loh laia, Provisional Employees-te hman tir a ni ta ngawt mai hi thil dik niin an hre lo.

CSS employee-te dah nghehna tur hmanga provisional employee-te dah ngheh an ni chu an lung a awi loh thu tarlangin AMCECC chuan, 'He order hi ni 29.08.2025 hma ngeia sut turin sorkar kan phut a ni. Kan beisei anga hmalakna a awm lo a nih chuan kan kal zel dan tur kan rel ang,' an ti.

AMCECC chuan high school zirtirtu (direct recruitment) mi 160 lai sorkarin lak tuma file a kaltir mek tih tarlangin, 'Tha kan ti lo hle a, CSS hnuaia thawk mi eng emaw zat an awm lai leh CSS hnuaia thawkte dahnghehna tur atan sum harsat thu sorkarin a sawi fo laia direct recruitment a lak a tum hi tha kan ti lo,' tiin kaltlangpui lo turin sorkar an ngen.