JKTyre Powered Indian Racing Festival

Mizoramah a vawi khatna atan JKTyre Powered Indian Racing Festival chu Tuirial Airfield-ah ni 16.4.2025 khan neih a ni. Mizo Stunt Performer Awmawmi leh Francis-a leh superbiker-ten event khuhhawnna neiin, Indian stunt leh drift car driver leh stunt rider thiam bikten Indian F4 car, Indian Racing League Car, Indian Drift Car, Baleno Stunt Car, GoKart, Super Bike Stunt te hmangin mipui mit titlai thei tak an entir.

Mi sang dawn punkhawmna he show-ah hian Tuirial YMA-ten Cheraw mawi taka kanin, mipui mit an ti tlai a, India Drift King an tih Sanam Sekhon-a leh Aswhin Singh Takiar-ten Cheraw an kan lai drift hnanin khawvelin a la hmuh ngai loh tiin record an siam a tih hial theih awm e. Mizo Idol Lalhmangaiha leh Mizo rapper lar Lilzo-te'n zaiin mipui an awi a ni.

Hari Singh, Head of Operations JK Tyre Motorsports chuan Mizoram an lokal thei lawmawm a tih thu a sawi a, 'Khaw chhe karah pawh mi tam takin he event min ngaihhlut sak hi a lawmawm hle. Mizo-ten India ram huapin driving sense tha chungchuang tak in nei hi in fakawm hle,' tiin Mizo driver leh rider kum naupang tak takte promote an nih theih nan an in hawn reng thu a sawi.

He event hlawhtlin nana tha leh zung tam tak sengtu organiser-te an inbuatsaih tha hle. Lalfakzuala Hauzel, Chief Convener chuan JKTyre Indian Racing Festival hi Mizoram ah thlen ngei an duh si a, chawpchilh taka thawhpui turte zawn ngai mahse hlawtling taka he event an nei thei hi lawmawm a tih thu a sawi. 

Main Sponsors:- GIG Motors leh NEXA Aizawl chungah lawmthu sawiin, He event hlawhtlin theih nana anmahni puitu Event Partners te (LUSHAI HOG, LBS KIA, PETRONAS, BR Studio), Tuirial YMA te, Mizo Bikers leh Racing Team Community hrang hrang te, MiMSA, Mizoram Police, Aizawl Traffic Police leh Tourism Department-te chungah lawmthu a sawi tel bawk a ni.

Mizoram zawhah JKTyre Indian Racing Festival hi Shillong-ah ni 19.04.2025 hian nei turin an chhuk thla lehnghal ang.

Mizoram event a rider leh driver perform-te chu:-

Indian F4 Car:-

SOHIL SHAH

GOKarts:-

YATHARTH GAUR

AARAV SUREKA

Indian Racing League (IRL) Car:-

SANDEEP KUMAR

Stunt Bikers:-

PRASHANT

KRUBA CHANDER

PRABHAKARAN

Drift Cars:-

ASHWIN SINGH TAKIAR

SANAM SEKHON

Stunt Cars:-

HARI SINGH

SUNNY KUMAR

BOBBY BHOGAL