Mi bumtu an man

Ni 18.8.2025 khan Laruatkima, Electric Veng nia inchhal chuan tlawmngaih chhuah ni awm takin Civil Hospital, Aizawl OPD-ah pitar pakhat a kai a, a hnuah a pawisa leh a phone a ruk sak a tlanbopui. 

Civil Hospital, Aizawl security-ten CCTV atanga an chhui hnuah misual hi nimin khan man a ni. Hemi hma hian midang pawh a lo bum tawh tih an hre chhuak.

Civil Hospital hotute chuan, an hospital chu nitin mi za telin an pan khawm ṭhin a nih avangin rukru leh bumhmang lakah mipuite fimkhur turin an chah.

Hetianga buaina tawkte chu security-te hnenah emaw a thawktute hnenah emaw zualko vat ṭhin turin an hriattir.