Heroin thahnem tak man

Champhai Police-te chuan tunhnai khan Khankhawn Police Checkgate-ah Champhai atanga chhuak tur lirthei an endik a, lirthei pahnih atangin herion hawng 107 an man.

Lirthei pakhat zawk, Lalramngaia, Champhai Dinthar Venga cheng nia inchhal khalh atangin heroin hi hawng 7 (gram 98) an hmu chhuak. Lirthei khalhtu hian a ruihhlo phurh hi Aizawl thlenpui tur leh tualchhunga vawrh darh tur a nih thu a sawi.

Lirthei dang, Pahlira, Saihapui, Kolasib District a cheng nia inchhal lirthei atangin Champhai Police-te hian herion hawng 100 (gram 1124) an man.

Heng lirthei pahnihah hian ruihhlo hi a chhuatah a dah thuhrukna siam ve ve a ni. Hawng 100 hi police-te chuan chhuizui nghalin Kolasibah inhnamhnawiha puh mi pakhat an man tel nghal.

Champhai Police-te ruihhlo man hlutzawng hi international market atanga chhutin cheng nuai 36.66 hu a ni. Inhnamhnawiha puh mi 3 te lakah hian ND&PS Act hmanga thubuai an ziaklut.