Miss Universe Mizoram - Evelyn

Miss Universe Mizoram, 2025 atan Evelyn Zachhingpuii, Saikhamakawn nula thlan a ni. Evelyn-i hi pageantry-ah a mikhual lo hle.

Nizan (1.5.2025) khan Novotel, Guwahati-ah Miss Universe Mizoram bakah Miss Universe Assam, Miss Universe Manipur leh Miss Universe Tripura-te thlan an ni. He hunah hian state pali-te atangin nula fing, chhelo leh zei tak takte an inlan a, hemi tuma thlanchhuahte hian Miss Universe India, 2025 thlannaah anmahni state theuh aiawhin an inlan leh dawn a ni. 

Heng state palite tan hian Miss Universe Assam State Director Akumnaro Imsong chuan audition hi a thleng a ni. Evelyn-i hi Miss Universe Assam sponsor zinga mi Kats Collection tana photoshoot nei nghal tura thlan a ni a, vawiin photoshoot neiin, naktukah Aizawl panin a lo haw dawn.

Evelyn Zachhingpuii hi pageantry-a mikhual lo tak niin, Miss Mizoram 2024 thlannah khan 1st Runner Up a lo ni tawh a, tin Miss Pachhunga University College 2019-ah 1st Runner Up lo ni tawh bawkin, Miss Chapcharkut Runner Up pawh lo ni tawh a ni.