Hnamdang ruai loin biak in sa

Bethlehem Veng Presbyterian Kohhran chuan an biak in tur an sa mek a, biak in sa tur hian hnamdang an ruai lo. Construction company pawh ruai loin, anmahni vekin an enkawl. Architect erawh an ruai.

Bethlehem Veng Presbyterian Kohhran hian an biak in sakna tur chu kum 2020 atangin an lai tan a, biak in an sak tan tak chu kum 2021 a ni. Kum 5 chhunga sak zawh turin ruahmanna an siam a, an zo hman lo deuh maithei.

Work manager atan an kohhran upa an hmang a, supervisior atan chuan an branch KṬP hruaitu pakhat an hmang thung. Anni hian uluk takin hnathawkte an vil a, hnathawktute hi Mizo vek an ni.

Bethlehem Veng Presbyterian Kohhran hian biak in sakna atan hian loan an la loa, kohhran mipui thawhkhawm hmangin an sa. Biak in sakna atana an sum hmuh tawh zawng zawng chu Rs. 12,52,72,240 a ni.