AMC thuawih tum

Treasury Bazar Association chuan vawiin (20.3.2025) hian Aizawl Press Club-ah press conference neiin Aizawl Municipal Corporation (AMC) thuawih an tum thu an sawi.

Treasury Bazar Association hruaitute chuan, 'AMC lamin min ngen angin Treasury Bazar Association chuan AMC Multipurpose Complex, Tuikual South an in sawn luh nise kan ti. Thuawih takin buaina leh harsatna siam lo a chet hi association chuan a tum tlat a ni. Kan luh thlak rualin anmahni lamin min tiam ang ngeiin dan lova in zuarte leh traffic tibuai theia in zuarte pawh an in tiam ang ngeiin hma an lak ngei kan beisei tlat,' an ti.

 AMC-te chu an nu leh pate an nih avagin an thutna tura harsatna pawh anmahni intiamna ang ngeia an tihsak an beisei tlat thu pawh Treasury Bazar Association hruaitute chuan an sawi.

Tarlan tawh angin Treasury Bazar hi ni 17.3.2025 zinga a kan hnuah AMC chuan kal theih lohin an hung a, inzawrh an phal tawh lo. Treasury Bazar-a thute chu AMC Multipurpose Complex-a insawn turin an ti a ni.