Current line siamtha turin hriattir

Lalnunpuii (12) d/o Lalnunthara, Bungtlang South thih phahna electric current line chu BSF ho line nia sawiin, vawiin (11.7.2025) tlaia Power & Electricity Minister F Rodingliana hoa a pisa-a thukhawm chuan siamtha nghal turin BSF-te an hriattir.

Power & Electricity Minister hoa meeting-a tarlan a ni danin,  Bungtlang South-a electric current-in Lalnunpuii a manna hmun hi BSF ho line a ni. BSF-te pawh current line hi siamtha turin hriattir an ni a, hun tiam chhunga an siamtha lo a nih chuan power supply pawh pek loh mai ni se, an ti.

Lalnunpuii hi July 7, 2025 an khua atanga hla vak loah a nau nen rawtuai khawrhin an kal a, an rawtuai khawrhna-ah karah hian electric hrui lo awmin, a hmuh loh avangin current hian a man a, a thih phah. 

Vawiina P&E Minister hoa thukhawm hian tunhnaia electric current man avanga hliam tuar leh nunna chante chu a rang thei ang bera sorkar dan dinglai anga ex gratia pek a nih theihna atana hmalak an rel a, rang taka bawhzui turin a mawhphurtu officer an hriattir nghal.