Keimah Thingtlang Nula

Angel Pops story ngainawm tak, film ang pawh an vawi hnih siamna 'Keimah Thingtlang Nula' chu March 11, 2025 khian tlangzarh a ni dawn ta. 

He film-ah hian Mizo Film Award 2024-a Best Actress atana thlan Sangsangi bakah, Khawbel nula Diki ten role pawimawh tak an chang dawn. Mipa lamah tunlai actor lar Sangtea, Duhawma Hmar leh Aaron te an inlan ang. A changtute atang ringawt pawhin Mizo film ngainatute tan chu nghahhlelh tham a ni awm e. 

Keimah thingtlang Nula hi Leikapui Studios-ten an produced niin, Marh 11 (Thawhlehni) zan dar 8 hian Vanapa Hall-ah tlangzarh a ni ang. A hmunah ticket lei tur a awm dawn a, Rs. 100/- man a ni ang - Veng leh khaw hrang hrangah show kalpui tum a ni.