CM-in vauna a chhak chhuak - MPCC

MPCC chuan thuchhuah siamin, .izoram Legislative Assembly Session neih mekah March 10, 2025 chawhma-a zawhna leh chhanna huna Chief Minister Lalduhoma'n C Ngunlianchunga, MLA zawhna LADC CEM V. Zirsanga chungchang a chhannaah a zawttu MLA anticipatory bail la tura hrilhin vauna thu a chhak chhuak niin an tarlang a, 'Hetianga mahni MLA puite vauna hi Assembly Session-ah tunhma a thil thleng ngai lo, kan la hmuh ngai loh a ni a, a zahthlak hle,' an ti.

CM thil tih chu MLA zahawm tak ten House chhunga zalenna an neih hmang ngam lo tura vau beh tumnaah an ngaih thu tarlangin MPCC chuan, 'A pawi hle a ni. Hetiang thil hi Mizoram Legislative Assembly Session-ah hian thleng ngai tawh lo se kan duh,' tiin Lalduhoma chu C. Ngunlianchunga hnenah leh Assembly House chungah tunhnu a House zahawm nan thupha chawi turin an phut tih an tarlang.