Kolasibah Lokayukta Awareness

Nimin (18.6.2025) khan Mizoram Lokayukta buatsaihin I&PR Conference Hall, Kolasibah Lokayukta Awareness Program hman a ni a, Lokayukta Member (Judicial) Joel Joseph Denga chuan Mizoram chu India rama corruption tlemna ber pahnihna a nih thu a sawi.

Joseph Denga chuan, 'Mizoram hi India rama corruption tlemna ber pahnihna a ni. Amaherawhchu hemi ni chung hian document leh record a tarlan kher loh kan ramah  eirukna lamah fihlim lohna tamtak inphum ru a awm. Corruption hi mihring ze nghet lo leh anmahni chhungril a intan a ni. Corruption do tur chuan keimahni kan insiam dik hmasak angai a ni,' a ti.

Mizoram Lokayukta pawimawhna sawiin Lokayukta Member chuan, 'Corruption dona kawnga sawrkarin body pawimawh tak a din a ni. Lokayukta hnathawh dan leh an pawimawhnate chu sawrkar hnathawkten kan hriat a pawimawh takzet a ni,' tiin kalkhawmte chu eiruk hlemhletna laka fihlim turin a chah.