Kum 45 mi thiin an hmu

Nizan (17.6.2025) dar 10:30 vel khan rawtuai khawrh tura chhuak Lalrindiki (45) d/o Hualrozama, Kulikawn West chu Tlangnuam West huam chhung khamah thiin an hmu.

Kulikawn West atanga Bengvarna thudawn danin, Lalrindiki rawtuai khawrh tura chhuak hi a haw mai loh avangin nizan khan a faten an zawng a, a chanchin hriaten an zawnpui ve nghal. Kulikawn West Adventure Club-te chu an rinhlelhna lai deuhah hruia uaithlain, dar 10:30 velah a ruang hi an hmu. A chesual palh nia rin a ni.

Lalrindiki ruang hi a tul angte police-in an buaipui hnuah lak chhuah a ni a, a pain an chenna Tlangnuam West-ah a la. Vawiin chhun dar 12 ah vui a ni ang.