MP-in Tribal Affairs Secretary a kawm

Nimin (16.6.2025) tlai khan Lok Sabha MP Richard Vanlalhmangaiha chuan Ministry of Tribal Affairs Secretary Vibhu Nayar chu a pisaah kawmin, Mizoram tana hmasawnna awm thei tur thilte leh zirlai scholarship chungchang an sawi dun.

Richard Vanlalhmangaiha chuan Mizoram State chu a bik taka enkawl ngai an nih thu sawiin, zirlaiten kum tina an dawn thin Tribal Scholarship rawn kal tlai thin chuan zirlaite ten harsatna tam tak a siam thin thu thlenin, hun taka zirlai ten scholarship an hmuh theihna tura theihtawpa hmalakpui turin Tribal Affairs Secretary hi a ngen.

Lok Sabha MP hian Mizoram chu tribal ram a nih avangin Tribal Affairs Ministry chu an ta neih bik tih Vibhu Nayar hi hrilhin, a bik taka Mizoram chu enkawl a, state hmasawnna hna mai bakah a chhunga cheng mihring thlenga hmasawnna kawng awm thei hrang hrang ngaihtuahpui turin a ngen nghal.

Tribal Affairs Secretary  hian irlai scholarship chungchangah leh hmasawnna kawng awm thei kawng hrang hrangah theih tawp alo chhuahpui tur thu sawiin, Tribal Affairs Ministry hnuai a project leh scheme hrang hrang awm thei te lo hrilh in Project te pawh a tam thei ang ber siam turin Richard Vanlalhmangaiha hi a hrilh.