Rel lut tur vangin joint meeting nei

Nimin (16.6.2025) khan sumdawng intelkhawm MIMA hruaitute leh Sihhmui VC, YMA, MHIP leh MUP hruaitute chuan Sihhmui VCP Inah joint meeting an nei a,  Sairang Rel Station, Sihhmuia rel lo lut mai tur chungchang thlirlawkin, engtianga lo dawnsawn chi nge ni ang tih an sawiho.

Joint meeting chuan a hnuaia tarlan ang hian joint resolution an siam. 

1. ILP check point/gate Bairabia awm hi changtlung zawk, felfai leh khauh taka enkawl ni se. Tin, Sairang Sihhmui Rel Station-ah pawh hian ILP check point siam a, fel fai leh khauh taka enkawl ni rawh se. Hei hi sorkarah thlen nise. 

2. In hmun lo ram, hnamdang hnenah hralh loh ni rawh se. Tin, Sihhmui ram chhunga hmun hran atanga ram neite pawhin hnamdang hnenah hralh loh ni rawh se. 

3. . Mizo hming hawha hnamdang sumdawng/dawrkai awm phal loh ni rawh se. 

4. Mutria-ten rate mumal leh fel zawka hna an thawh theih nan sorkarah hma lak ni rawh se.