Chief Minister hoin thlirlet

Vawiin (17.6.2025) chhun khan Chief Minister Lalduhoma kaihhruain Secretariat Conference Hall-ah Land Resources, Soil & Water Conservation (LRS&WC) Department hmalakna thlirlet a ni a, sorkarin hmunphiah a leiah grading kalpui a nih tawh dawn loh thu tarlan a ni. 

Chief Minister chuan, 'Kan sawrkar hian thil thar kan ching chhuak nual a, sawrkar hnathawkten tha taka min lo thlawp kan beisei. Hna hi thawh chak kan duh, kan ram hian hmasawnna hmel hi hmu thuai thuai ila kan duh a, chuvang chuan heng thil thar te hi kan kalpui a ni. Review meeting hi thil dik lo zawnga buatsaih thin ka ni lo va, in harsatna leh in mamawh te rawn hriatsak che u ka duh vang zawk a ni. Meeting tangkai tak a nih theih nan in ngaimawh tinreng inthlahrung loin in sawi dawn nia,' a ti.

LRS&WC Minister Lalthansanga pawhin, review meeting a neihpui avangin Chief Minister chungah lawmthu a sawi.

Meeting-a rel thenkhatte :

1. Hmunphiah hralhna chungchangah kumina grading kalpui kha loneitute tan harsatna a thlen avangin kum tharah chuan grading hi kalpui tawh loh tur a ni.

2. Soil Department allocation of business thenkhat en that a ngai nia ngaih a ni.

3. Coffee hi Soil Department crop-ah la dahzui zel tur a ni.

4. Departmental works kalpui a nih hian department thenkhatten an project-ah GST an chhut tel lo thin a, sawrkarin chhiah tam tam tak a chan thin. Hei hi department zawng zawngin lo hria se, sawrkarin departmental work kalpui dan tur a duan ang thlapa kal thin tur a ni.

5. Chief Minister's Rubber Missions a lo hlawhtlin leh zual theih nan Rubber Clustee Link roads hi ngaihpawimawh dan dap ni se.

6. CM Rubber Missions thawh khatnaah cheng nuai 2798.13  dah a ni a, kumin a kum khatnaah hian cheng nuai 1364.14 expenditure sanction tawh a ni. Sum hi NABARD RIDF XXX atanga hmuh a ni a, Kolasib leh Mamit District ah kalpui phawt tur a ni. Kum tharah district dangah tih zui zel a ni ang. Kum tin hectare sang khat zel phun belh tum a ni. Kuminah loneituten an phun hman ngei theih nan a chi supply hi rang taka bawhzui tur a ni.

7. Rubber Rolling Machine set hi rubber ching mek ten an mamawh em avangin cluster-ten inhmantawm tur subsidy-a pek atan handholding atangin za (100) tal ngaihtuah ni se