Motor pahnihah heroin an man

Vawiin (17.6.2025) chhun khan Champhai Police-te chuan Champhai Police Checkgate, Chalbawia Junction paltlang tur lirthei an endiknaah ruihhlo phurhna tura siam danglam lirthei hnuaia thuhruk heroin eng emaw zat an man.

Champhai Police-te hian Pahlira, Bukvannei, Saihapui Kolasib District nia insawi khalh atangin heroin hi kgs. 1.124 an man a, Lalramngaia, Dinthar Veng Champhai ni-a insawi khalh atangin heroin grams 98 a rit an man. Heroin-te hi lirthei hnuaia ruihhlo thurukna tur an siamah uluk taka thuhruk a ni.

Pahlira leh Lalramngaiate hi ND&PS Act hnuaiah thubuai siamsak an ni a, police-te chuan a tul angte an chhuizui ang.