Tlawng Luia tlanliam a thi lo?

Ni 12.6.2025 chawhnu dar 2 vela Sairang Dinthar huam chhung Tlawng Luia truck tlanliam khalhtu chu a la thi lo nia hriat a ni.

Police atanga thudawn danin, truck neitu hnamdang chu hriat chhuah a ni tawh a, a truck chetsual hnuah Sairang Police Station-ah a kal tawh. 

Truck neitute'n police an hrilh danin, driver hian a chetsual hnuah midang mobile phone atangin a chhungte a be pawp tawh a, amah chu an la hmu chuang lo.

Tarlan tawh angin, truck hian maggie leh noddle lam chi a dangte a phur. Mi tlawmngaite hrui hmanga chhuk thlain an zuk enfiah a, a khalhtu hmuh a ni lo. Chhuizui atan Sairang Police hnenah motor registration number hi pek a ni.