C Ngunlianchunga'n bail a dil

Sorkar ukilte atanga thudawn danin, Lawngtlai West Bialtu MLA C Ngunlianchunga'n bail a dilna chu vawiin (17.6.2025) hian Special Court (Prevention of Corruption Act) in a phalsak.

C Ngunlianchunga bail bond atan cheng nuai 2 tih a ni a, koh a nih apiangin tha takin court-ah a inlan tur a ni a, a in lan loh chuan bail phalsak a nihna hi cancel a ni ang.

Sorkar ukilte sawi danin, C Ngunlianchunga hian medical certifcate pawh a nei.

Tarlan tawh thin angin Lawngtlai by-pass road siamna tur sum tihchingpen thubuaiah C Ngunlianchunga hming a lang ve a, LADC CEM a nih laia thil thleng vangin thubuaiah hian a hming a lang ve.

ACB chuan Lawngtlai by pass road siamna sum tihchingpen thubuai hi an chhui zo tawh a, an chhuina report (chargesheet) court-ah an thehlut tawh. Court-in a ngaihtuah chho zel ang.