Hnatlangin thlawhma thlawh sak

Samthang Branch YMA, Champhai District chuan vawiin (17.6.2025) hian an khuaa damlohna avanga thlawhhma enkawl ṭha thei lo Lalhmunzauvate chuungkua thlawhhma hnatlangin an thlawh sak. Hnatlangah hian YMA member 83 an thawk chhuak.

Samthang Branch YMA in hlo an thlawh sak Lalhmunzauva nupui Lalhmangaihsangi chu hun rei tak damdawi inaa enkawl ngaiin a awm a, an thlawhhmaah hna an thawh mumal theih loh avangin Samthang Branch YMA chuan, ṭanpui ngaite puitu a nih hrerengin hlo thawh hi an thawhsak ta a ni.

Samthang khua hi in 230 vel niin YMA member 696 an awm mek a, hun dangah pawh mi harsa puih ngaite an lo pui fo tawh ṭhin a ni.