Empowred Committee on Investment thukhawm

Vawiin (19.6.2025) chhun khan Chief Minister Lalduhoma kaihhruain, Empowred Committee on Investment leh sawm bik mi pawimawhte chu CM office-ah an thukhawm a, an thutkhawm hmasaa an thu rel bawh zuinate an thlirho.

Chief Minister chuan tunhmain sawrkar lam chan chhe tur sa rana company-te nena MoU ziah a lo awm tawh thin tih sawiin, 'Sawrkarin sum a chawi fo va, han bantir (terminate) duh pawha ban hleih theih loh MoU te pawh a awm. Hetianga sawrkar lam chan chhe sa rana MoU ziah hi kan sawrkarah hian awm tawh lo se kan duh. Sawrkarin a chhiatpui loh tur, kan duh dana MoU kan ziahpui theih chauh hi inremna siampui ila, a thei lo chu ziahpui lo mai ila, tih hi kan rilru a ni,' tiin sawrkar ngaihdan a sawi. Chu mi hnuah an zirchianna te report an ngaithlain an sawiho.

He committee hian June 11, 2025 khan sawhthing leh thlai dang processing unit rawn din duh company pathumte draft memorandum of understanding endiktu tur mi a ruat. Company-te draft MoU hi sawrkar tan pawm vek theih a nih hmel loh avangin sawrkar duh dan chiang taka tarlanna (Expression of Interest) siam ni se, company te hi hriattir thuai ni se, a tul chuan company dang pawh hriattir ni se, an ti.

Mizoram Industrial & Investment Policy pawh an thlirho nghal.