FMR chungchanga ngaihdan sawi chhuak

Chief Minister Lalduhoma chuan vawiin (10.3.2025) a Assembly Session-ah a kaihhruai sorkarin Myanmar leh Mizorama chengte inkalpawh theihna Free Movement Regime (FMR) tihtawp chungchanga an ngaihdan a sawi chhuak.

Zalen lutuka inkalpawh hian thil tam tak, a tha lo lam a lo thleng ve thei tih sawiin Chief Minister chuan, 'Kan unau raltitna avanga lo lutte chu kan enkawl tur a ni. Mah se, ral lehlam lawkah an khua a awm a, a ralmuang em em em. Haw tum chuang tawh miah lo eng emaw zat an awm. Free lutuka kan inkalpawhna hian thil tha lo tam tak, ruihhlo, silai, silaimu leh a dangte a keng tel,' a ti.

Lalduhoma chuan suanl rawngbawlin, tualthahna pawh lo thleng se, kar loah ral lehlama kai mai theih a nih thu sawiin, 'Hetianga zalen lutuka awm hi, kan mipui tam tak pawh hian a tha lo zawk an tive deuhin ka hria. Kan duh dan chuan kan unaute nen zalen takin inkalpawh a ni,' tiin Central Sorkarin a tih takah chuan 'a tulna lai, a that zawkna lai a awm awm e' an tih thu a sawi.