ZPM hruaituten sawhthing dahna an tlawh

Vawiin (10.3.2025) chhun khan ZPM Gen. Hrqs. Political Affairs Committee (PAC) chuan Sairanga sawhthing dahkhawmna hmun (godown) an tlawh a, he hunah hian ZPM President Lalliansawta chuan sawhthing chu ZPM flagship programme a nih angin a hmunah ngeia en hi tul an tih thu a sawi. 

ZPM President chuan Pathianin rem a tih a, eng emaw harsatna lianpuite a awm a nih loh chuan sawhthing chingtute hamthatna ZPM policy chu a hlawhtlin ngei a rin thu pawh a sawi a ni. 

ZPM tarlan danin, tun dinhmunah Mizoram chhunga sawhthing thar chhuahte hi February  20, 2025 atanga vawiin, (dt.10.3.2025) thleng hian sawhthing chingtute hnen atangin metric ton 23,228.074 sorkarin a leisak tawh.

Heng sawhthingte hi Sairang-a FCI Godown ruak pangaah dah a ni. Heng zinga metric ton 311 chu phai lam atanga leitute (buyer) hnenah hralh chhuah tawh niin, a leitute hian chawlh (holi) an hman mek avangin an khaihlak rih. Remchang hmasa berah an lei chhunzawm zel tura beisei a ni.