Thubuai tihtawp sak turin ngen

Social activist Kananthangi Pachuau (Thelmai Nanteii Pachuau) chuan vawiin (22.7.2025) chhun khan Aizawl Police Station OC hnenah lehkha thehlutin, Mizoram State Commission for Protection of Child Rights (MSCPCR)-te'n YouTuber, Michael Siakeng NicholasS laka FIR an thehluh avanga thubuai ziahluh chu tihtawp sak turin a ngen.

Thelma Nanteii chuan a lehkha thehluhah hian Michael Siakeng NicholasS hian Juvenile Justice Act, 2025 huam chhungah post a siam tih tarlangin, a laka FIR thehluh hi uluk taka ngaihtuah a, titawp sak turin Aizawl Police Station OC hi a ngen a, 'Michael Siakeng NicholasS thil post hi thudik a nih avangin hemi chungchangah hian hma min lak sak zawk turin ka ngen a che,' a ti.

Tarlan tawh angin, MSCPCR chuan ni 18.07.2025 (Zirtawpni) khan YouTube Channel neitu pali (4) te chu naupang pakhat harsatna tawk chu a nihna chhuichhuah theihna tura video an YouTube Channel-a an upload avangin a summon. A chhan leh avang sawi lova he huna in lan lo - Michael Siakeng NicholasS lakah hian BNS Section 206 - Absconding to avoid service of summons or other proceeding behchhanin FIR hi commission aiawhin MSCPCR Member Darthakunga chuan a thehlut