Mizote chungah Wai Wai siamtute an lawm

Wai Wai siam chhuaktu CG Foods Managing Director Varun Chaudhary chuan vawiin (22.7.2025) chhun khan Aizawl Press Club-ah press conference neiin, Mizo mipuite Wai Wai an lei sak nasat avanga an lawm thu sawiin, 'Mihring awm zat atanga chhutin India ramah Wai Wai hralh hnemna ber in ni,' a ti.

Nepal base company CG Foods hotu chuan India ram pumah eitur rin hlawh hun eng emaw chen a nih tawh thu sawiin, 'Wai Wai leh Mizote hian inkungkaihna thu tak an nei tawh a, sumdawnna thil mai ni lo culture-ah a bet tawh a ni. Mizoramah Wai Wai factory din tura ngaihtuahna kan seng,' tiin Mizo mipuite Wai Wai ei chhunzawm zel turin a sawm.

CG Foods hotute sawi danin, Wai Wai hi West Bengal-ah an hralh nasa ber a, a dawtah Assam niin, Mizoram chu pathumna a ni. Mihring awm zat atanga chhut erawh chuan Mizoram hi Wai Wai hralh tamna ber state a ni.