Vawiinah ruang rawn hawpui thei dawn

Dampa Bialtu MLA Lalrintluanga (65), Luangmual ruang chu vawiin (22.7.2025) hian an chenna in thlenpui tum a ni a, sawrkar laipui hotute dawra Delhi-a cham mek Home Minister K Sapdanga'n a rawn zui haw ang.

Lalrintluanga Sailo ruang hi Nilainia rawn hawpui tura tih a ni zetnaa Rajya Sabha MP K Vanlalvena, Lok Sabha MP Richard Vanlalhmangaiha, Home Minister etc. ten theihtawp an chhuah hnuah vawiinah rawn hawpui theih a ni dawn niin Delhi atanga thudawn a ni.

AIIMS Hospital-ah a ruang a chhiat lohna atana sawngbawl (embalming) ti tura an phurh phei hmain Max Hospital-ah tawngtaina hun K Sapdanga'n hun a hmanga chumi hnuah an tindarh.

Lalrintluanga Sailo thih thu hriat a nih veleh HM bakah hian K Vena, Richard-a leh Assembly Speaker-te Max Hospital-ah hian an kal nghal a ni.

Tarlan tawh angin, MAX Super Speciality Hospital, Delhi-a enkawl Dampa Bialtu MLA Lalrintluanga Sailo (65), Luangmual, Aizawl chu nizan (21.7.2025) dar 9 vel khan kan chan ta.

Lalrintluanga Sailo hi rambuai lai pawha lo rammu tawh a ni a, MLA inthlan hnuhnung ber khan Dampa Bialah a tum hnihna atan a zawnin thlan tlin a ni.

Lalrintluanga Sailo hi a khawsik nasat avangin June 29, 2025 khan Delhi panpui a ni a, Max Hospital-ah hian ni khat ward-a a awm hnuah ICU-ah dahluh a ni a, rannung seh tih hmuh chhuah a ni.