ZPM Thalai FIR vangin mi 3 man tawh

ZPM Thalai Southern Hqrs, Lungleiin, Lunglei HPC Vice Chairman V. Malsawmtluanga, Lunglei North Bialtu MLA social media-ah mawi lo tak leh thu belhchian dawl lo hmanga  tih mualpho a nih thu sawi a, ni 4.7.2025-a FIR an thehluh bawhzuiin Lunglei Police-te chuan mi pathum an man tawh.

Lunglei Police atanga thudawn danin, V Malsawmtluanga chanchin dawta sawi tu TC.Lalzarzova (62) s/o TC.Lalmuana (L), Mausen chu ni 16.7.2025 khan man a ni a, Lalremruata (46) s/o Lalhuliana (L) Salem Veng, Aizawl TC Lalzarzova voice lo record leh whatsapp  group-a thawndarh tu chu ni 18.7.2025 khan man a ni.

Ni 21.7.2025 khan Hauzaliana (48) s/o V.Lalmuana, Salem Veng, Aizawl pawh man niin, ani pawh hi audio record Lalremruata hnena va dila thehdarhtu tho a ni. An vai hian warrant of arrest hmanga man niin, an phone pawh man vek a ni a, an thubuai hi bailable a nih angin, bail-a chhuah an ni.