Tuirini Luia chesual ruang hmuh a ni
admin 25-Jul-2025 12:27 PMTuirini luia chesual Lalhruaia (33), Zemabawk East ruang chu tukin(25.7.2025) zing dar 6:30 vel khan a tlakna hmun Tuirinin atanga km 3 vela hla, Tuiphuchhuah, Tuirialah hmuh ani a. A ruang hi Lungmuat ram atanga lak chhuah a ni.
Lalhruaia hi an sangha mana an luikalna Tuirini, Khawruhlian ramlam epah ni 22.7 2025, dar 1:30 khan a chesual a. A ruang zawn hna hi CYMA Disaster Response Team-te pun an nihna angin a tlak zan dar 8 khan chetchhuah nghal a ni.
Chalfilh Gr.YMA huam chhunga Khawruhlian ram chin a nih angin Khawruhlian Joint YMA leh Zawlbuk Gr.YMA huam chhunga Sesawng Jt.YMA ten chet an la bawk a. A ruang zawn chhung hian Zemabawk East Br.YMA te pawn a hmunah an chenchilh bawk.
Ngawrh taka zawn a nih mek laiin tukin zing dar 6:30 vel khan Pu Lalhruaia ruang hi Tuirial leh Tuiphu in finna, Tuiphuchhuahah hian hmuh a ni ta a, Pu Lalhruaia hian a nupui raipuar lai a kalsan a ni.
