Chhungkuaa en tlak The Killer
admin 23-Aug-2025 06:34 PMTlangval pahnih chuan Youtuber nih ve tumin zanah Ghost Hunting tih an tum a; mahse, vanduaithlak takin tualthahna hmunah an kal ta zawk si.
Chung tualthattute chu Police (CID) hotute an lo ni leh zel bawk si a, anmahni chu tualthattu zawkah an puh let zawk ta sia...engtin nge an buaina chu an chinfel tak ang le?
August ni 28, 2025 zanah Vanapa Hall-ah an harsatna chinfel dan chu thlir ho turin sawm in ni e.
The killer film-ah hian main star-ah Mizo film-a mi thar an inlan dawn a. A changtunu tur hi Miss Mizoram-ah pawh lo tel tawh, Muanpuii a rawn inlan dawn a. Actor ah hian Ruffy leh Zato te thiandun an rawn inlan bawk ang.
Film dang ang lo deuhin Jack Sparrow, Zoro leh Indiana Jones-a incheina hmangin starring-te hi an rawn inlan bawk dawn. Co-Producer hi RUNMAWI apps niin, Director hi Aldrin Zosangliana, Doordarshan a Mizo serial film siam kawngah sulhnu lo nei tawh a ni.
Director of photography hi Albert Zosangliana, a ni pawh hi Mizo short film competition-ah winner lo ni tawh a ni. Film siam kawngah chuan tawnhriat nei tha pawl tak a ni.
The Killer film hi naupang zawkte tan pawh en theih tura duan a ni. Chhungkua a han thlir inthlahrung awm lo tura ngaih a ni a, obscene awm lo a ni dawn. Thriller leh comedy inchawhpawlh a ni dawn a ni. Mizo film chhuak tawhte nen danglamna awm tura ngaih a ni.
