By-election atan inbuatsaih zel

Dampa Bial MLA by-election neih tur atan inbuatsaih kalpui zel a ni a, vawiin (26.8.2025) hian Mamit DC Conference Hall-ah Sector Officer atana ruatte inthlanna kaihnawiha hriattur tul hrang hrang hrilhhriat an ni.

Training-ah hian Mamit Election Officer Lalnunfela Chawngthu chuan by-election lo awm turah Sector Officer-te tihtur hrang hrang a sawifiah a, 'Inthlanna felfai leh muanawm tak kalpuina tura in mawhphurhna leh tih turte hriat thar a pawimawh,' tiin fimkhur leh uluk taka training-te'n an duty tha taka an hlen thin thu a sawi.

Dampa Bial MLA by-election lo awm tur atan hian Sector Officer mi pariat ruat an ni a, polling station an enkawl tur theuhte siamfel sak an ni tawh.

Hetihlai hian by-election neih hun tur puan a la ni loa, Election Commission of India-in hun a tihah a puang. By-election hi Bialtu MLA nilai a thih aṭanga thla ruk chhunga buatsaih tur a ni. Bialtu MLA nilai Lalrintluanga Sailo chuan July 21, 2025 khan chatuan ram a pan.