Zirtirtu dah belh ngei phut

MZP Hqrs., Champhai chuan Govt. Gandhi Memorial Higher Secondary School (HSS), Champhaiah huntiam neiin zirtirtu dah belh an phut a, dah belh a nih loh chuan a tul anga hmalak an tum.

MZP Hqrs., Champhai tarlan danin, Govt. Gandhi Memorial HSS-a zirtirtu indaih loh chungchangah theihtawpa hma lain, April 29, 2025 khan Education Minister hmuin economics leh accountancy-ah zirtirtu pakhat ve ve chauh an neih thu thlen a ni. Education Minister pawh hian hriatthiampuiin economics bik phei chu a rang thei ang bera dah a nih theih nan hma lak a tiam a ni.

April 29, 2025 hian Education Minister hnenah hian class 11 in class an tan hma ngei dahsak hram tura an ngen a, file kalkual chhungte ngaihtuahin dawhthei taka an nghah laiin zirtirtu hi dahbelh sak kan ni ta lo a ni. June 26, 2025 ah pawh zirtirtu dahbelh thu an la hriat loh avangin lehkha thehluh that leh niin, chanchin ngaihchan leh a ni. July 7, 2025 thleng pawha chhanna an dawn tak loh avangin Champhai MZP leh Govt. Gandhi Memorial HSS Class Representative zawng zawngte thukhawm ro an rel a ni.

Champhai MZP leh Govt. Gandhi Memorial HSS Class Representative chuan, '1st Term Examination July 17 ațanga tan a nih dawn avangin zirlaiten zirna lam kawngah harsatna an tawh lo a, tha taka exam an hmachhawn theihnan tun dinhmunah chuan sawrkar lam hi ngaihchan nise tih a ni. Exam zawh ațanga class tan leh hun August 5, 2025 hma ngei a zirtirtu hi dahbelh sak kan nih loh chuan a țul angin Mizo Zirlai Pawl Headquarters Champhai chuan hma a la dawn a ni,' an ti.