CADS 2nd Batch lakluh a ni

Nimin (7.07.2025) tlai khan Central YMA hnuaia ruihhlo do pawl, Central Anti Drugs Squad (CADS) 2nd Batch chu Central YMA Hall-ah ruihhlo do hna kal pui tan turin lakluh an ni. CADS 2nd Batch lakluhna inkhawm hi Prof. Lalnuntluanga, Vice President in a kaihruai a, CADS member inhmelhriattirna hun hman a ni. 

CADS member Lakluhnaah hian Lalhmachhuana, Central YMA President chuan CADS memberte chu rinawm tak leh ram leh hnam chhan duhna tak tak pu chunga ruihhlo do hna kal pui turin a chah a, ruihhlo do hi ngaia nei mai lova tha thar leh inpekna thar kal pui a tul thu a sawi.

CADS 2nd Batch-ah hian Aizawl khawpui chhunga branch YMA hrang hrang atanga aiawhte member atan ruat an ni a, membet 42 an awm dawn a ni. Convener atan Fabian Lalfakawma, CYMA Assistant Secretary ruat a ni a, ani bakah hian Asst. Convener leh Secretary 2 ruat an ni bawk.

March 15, 2025 atang khan CADS 1st Batch ten an thawk tan a, June 30,2025 ah an term a zova. 2nd batch ten an thawk tan veleh dawn a ni.