MPS atanga secretary tur Zosangliana

Mizoram Police Service (MPS) atanga secretary ni lai C Lalzahngoa chu IPS-ah a kaisan tak avangin Mizoram Sorkar chuan MPS atanga secretary tur a ruat thar. 

MPS hian secretary post pakhat neiin, a service lai zinga senior ber dah thin a ni. C Lalzahngoa aiawh tur hian Zosangliana, Chanmari Veng, Aizawl ruat a ni. C Lalzahngoa hian Fisheries a chan thin hnuah Transport changin, Zosangliana hian Transport a chang zui dawn em hriat a la ni lo. 

Zosangliana hi football ngaina tak niin, veteran football tournament hrang hrangah pawh a la inlan fo. A kum a over hma chuan Chanmari KTP leh bial KTP hruaitu hun eng emaw chen lo ni tawh a ni.