Gelatin leh a kaihhnawih an man

Assam Rifles chuan thuchhuah siamin, nimin (12.11.2024) khan Mizoram Police nen tangkawpin maruti 800 atangin gelatin leh a kaihhnawih thahnem tak an man tih an tarlang. 

Assam Rifles tarlan danin, Mizoram Police nen hian an thudawn bawhzuiin, Lawipu Junction, Aizawlah maruti 800 atangin gelatin sticks 1,000, detonators 1,000 leh safety fuse metres 20 an man. A kaihhnawihah mi pahnih - Lalhmingthanga (41), Bawngkawn, Aizawl nia inchhal leh Malsawmkimi (26), Zuangtui, Aizawl nia inchhal an man tel. 

Mi pahnih bakah gelatin, detonator leh safety fuse-te hi Mizoram Police-ten kawlin, dan angin hma an lak chhunzawm ang.