Ngur khuaah pistol an man

Mizoram Police leh Assam Rifles tangkawp chuan nimin (19.11.2024) khan Ngur, Champhai District-ah pistol leh a mu an man.

Police leh Assam Rifles hian an thudawn bawhzuiin joint patrolling an nei a, Ngur khuaah rinhleh neiin, an rinhleh hi an panlaiin a tlanchhe thut. Myanmar-ah a tlan luh avangin an man thei ta lo.

A mihring man hman lo mah se, Sig Sauer Pistol (.45 Caliber), a mu pali leh a magazine chu an man ta tho. Ralthuam hi Mizoram Police-in kawlin, dan angin hma an lak chhunzawm ang.